Գերմանական «Լայպցիգի» և Գերմանիայի ազգային հավաքականի հարձակվող Տիմո Վերները ցանկանում է մարզական կարիերան շարունակել Անգլիայի Պրեմյեր լիգայում, տեղեկացնում է Daily Mail-ը:
Պրեմյեր լիգան ներկայացնող թիմերից 23-ամյա հարձակվողի ծառայություններով հետաքրքրվում են «Լիվերպուլը» և «Մանչեսթեր Յունայթեդը»:
Ավելի վաղ հայտնի էր դարձել, որ Տիմո Վերների տեղափոխությամբ հետաքրքրված է Մադրիդի «Ռեալը»:
Ընթացիկ մրցաշրջանում Վերները «Լայպցիգի» կազմում մասնակցել է 25 հանդիպման՝ դառնալով 23 գոլի և 8 գոլային փոխանցման հեղինակ:
Վերների պայմանագիրը «Լայպցիգի» հետ նախատեսված է մինչև 2023 թվականի հունիս:
Հետևեք NEWS.am SPORT-ին Facebook-ում, Twitter և Telegram-ում