Անգլիայի չեմպիոն «Մանչեսթեր Սիթիի» գերմանացի կիսապաշտպան Լերոյ Սանեն օգոստոսին ստացած վնասվածքից հետո առաջին մարզումն է անցկացրել: Այս մասին 23-ամյա կիսապաշտպանը հայտնել է Ինստագրամի իր պաշտոնական էջում:
Սանեն օգոստոսի 4-ին տեղի ունեցած «Լիվերպուլի» դեմ խաղում ստացել էր ծնկի խաչաձև կապանների վնասվածք և վիրահատության էր ենթարկվել:
Հիշեցնենք, որ ամառային տրանսֆերային պատուհանի ընթացքում Լերոյ Սանեն մոտ էր Մյունխենի «Բավարիա» տեղափոխվելուն, սակայն Սանեի վնասվածք ստանալուց հետո «Բավարիան» հրաժարվեց պայմանագիր կնքել գերմանացի կիսապաշտպանի հետ:
Լերոյ Սանեն «Մանչեսթեր Սիթիում» հանդես է գալիս 2016 թվականից: Անգլիական ակումբի կազմում 23-ամյա կիսապաշտպանը մասնակցել է 134 հանդիպման՝ դառնալով 39 գոլի և 45 գոլային փոխանցման հեղինակ:
Հետևեք NEWS.am SPORT-ին Facebook-ում, Twitter և Telegram-ում