Չեմպիոնների լիգայի խմբային մրցաշարում Մադրիդի «Ռեալը» տնային խաղում մրցեց թուրքական «Գալաթասարայի» հետ: Զինեդին Զիդանի գլխավորած թիմը հաղթանակ տարավ խոշոր՝ 6:0 հաշվով:
«Ռեալի» կազմից հեթ-տրիկի հեղինակ դարձավ բրազիլացի հարձակվող Ռոդրիգոն, դուբլի հեղինակ՝ ֆրանսիացի հարձակվող Քարիմ Բենզեման: Աչքի ընկավ նաև թիմի ավագ, իսպանացի պաշտպան Սերխիո Ռամոսը:
A խմբի մյուս խաղում ՊՍԺ-ն նվազագույն հաշվով առավելության հասավ բելգիական «Բրյուգեի» նկատմամբ և դուրս եկավ փլեյ-օֆֆ: Հաղթական գոլի հեղինակ դարձավ արգենտինացի հարձակվող Մաուրո Իկարդին:
B խմբում Լոնդոնի «Տոտենհեմը» Սոն Հին Մինի դուբլի,Ջովանի Լո Չելսոյի և Կրիստիան Էրիկսենի գոլերի շնորհիվ 4:0 հաշվով հաղթեց «Ցրվենա Զվեզդային»:
C խմբում Անգլիայի չեմպիոն «Մանչեսթեր Սիթին» չկարողացավ հաղթանակ տանել իտալական «Ատալանտայի» հետ արտագնա խաղում: Հանդիպումն ավարտվեց 1:1 հաշվով:
D խմբում Մադրիդի «Աթլետիկոն» հյուրընկալվելիս 1:2 հաշվով պարտվեց Լևերկուզենի «Բայերին»: Գերմանական թիմի կազմից աչքի ընկավ Կևին Ֆոլանդը, իսկ «Աթլետիկոյի» կիսապաշտպան Տոմաս Պարտին դարձավ ինքնագոլի հեղինակ: Իսպանական թիմի միակ գոլը հանդիպման ավելացված ժամանակում խփեց Ալվարո Մորատան:
Չեմպիոնների լիգա, խմբային փուլ, չորրորդ տուր
A խումբ
«Ռեալ» (Իսպանիա) - «Գալաթասարայ» (Թուրքիա)` 6:0 (տեսանյութ)
Ռոդրիգո, 4, 7, 90, Սերխիո Ռամոս, 14 (11մ.), Քարիմ Բենզեմա, 45, 81
ՊՍԺ (Ֆրանսիա) - «Բրյուգե» (Բելգիա)` 1:0 (տեսանյութ)
Մաուրո Իկարդի, 22
B խումբ
«Ցրվենա Զվեզդա» (Սերբիա) - «Տոտենհեմ» (Անգլիա)` 0:4 (տեսանյութ)
Ջովանի Լո Չելսո, 34, Սոն Հին Մին, 57, 61, Կրիստիան Էրիկսեն, 85
C խումբ
«Դինամո Զագրեբ» (Խորվաթիա) - «Շախտյոր Դոնեցկ» (Ուկրաինա)` 3:3 (տեսանյութ)
Բրունո Պետկովիչ, 25, Լուկա Իվանուշեց, 83, Արիան Ադեմի, 89 - Ալան Պատրիկ, 13, Ժունիոր Մորաես, 90+3, Տետե, 90+8 (11մ.)
«Ատալանտա» (Իտալիա) - «Մանչեսթեր Սիթի» (Անգլիա)` 1:1 (տեսանյութ)
Մարիո Պասալիկ, 49 - Ռահեմ Ստերլինգ, 7
D խումբ
«Բայեր» (Գերմանիա) - «Աթլետիկո» (Իսպանիա)` 2:1 (տեսանյութ)
Տոմաս Պարտի, 41 (ինքնագոլ), Կևին Ֆոլանդ, 55 - Ալվարո Մորատա, 90+4
Հետևեք NEWS.am SPORT-ին Facebook-ում, Twitter և Telegram-ում