Թուրինի «Յուվենտուսի» գլխավոր մարզիչ Մաուրիցիո Սարին խոսել է ֆուտբոլում VAR համակարգի օգտագործման արդյունավետության մասին:
«Նախընտրում եմ, որ հանդիպման գլխավոր մրցավարը ղեկավարի խաղը և թույլ չտա, որպեսզի շատ վիճահարույց դրվագներ առաջանան:
VAR համակարգը նախատեսված է ծայրահեղ դեպքերի համար, իսկ այժմ յուրաքանչյուր խաղում այն 3-4 անգամ օգտագործվում է»,- Սարիի խոսքը փոխանցում է Sky Italia-ն:
Նշենք, որ «Յուվենտուսը» գլխավորում է Իտալիայի առաջնության մրցաշարային աղյուսակը: Թուրինյան ակումբը 10-րդ տուրից հետո ունի 26 միավոր:
Հետևեք NEWS.am SPORT-ին Facebook-ում, Twitter և Telegram-ում