23:48  +04,  10 հոկտեմբերի, 2019

«Լիոնի» նախագահ. Մոուրինյոն համաձայնության է եկել այլ ակումբի հետ

Ֆրանսիական «Լիոնի» նախագահ Ժան-Միշել Օլան հայտարարել է, որ «Մանչեսթեր Յունայթեդի» նախկին գլխավոր մարզիչ Ժոզե Մոուրինյոն մերժել է «Լիոնը» գլխավորելու առաջարկը:

«Ես հաճելի զրույց ունեցա Մոուրինյոյի հետ, սակայն նա մերժեց իմ առաջարկը: Մոուրինյոն արդեն համաձայնության է եկել այլ ակումբի հետ»,- Օլայի խոսքը մեջբերում է The Sun-ը:

Ավելի վաղ բրիտանական ԶԼՄ-ները հայտնում էին, որ Մոուրինյոյի հետ բանակցություններ է վարում Լոնդոնի «Տոտենհեմը»:

Հիշեցնենք, որ Ժոզե Մոուրինյոն «Մանչեսթեր Յունայթեդի» գլխավոր մարզիչի պաշտոնից հեռացվել է 2018 թվականի դեկտեմբերին:

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից: