17:13  ,  28 օգոստոսի, 2012

Caterham-ի ռուս ավտոարշավորդը կհեռանա ֆորմուլա-1-ից աշխատավարձ չստանալու պատճառով

Կարծում եմ՝ 28-ամյա տղամարդը պետք է գումար աշխատի: Այսօր ֆորմուլա-1-ը գումար չի բերում Վիտալիին, հայտարարել է Caterham F1 Team-ի ռուս ավտոարշավորդ Վիտալի Պետրովի մենեջեր Օկսանա Կոսաչենկոն:

Ռուսաստանցու մենեջերի խոսքով՝ Պետրովն աշխատավարձ չի ստանում ֆորմուլա-1-ում եւ մտածում է այլ աշխատանք փնտրելու մասին, գրում է rg.ru-ն:

Հիշեցնենք, որ ռուս ավտոարշավորդը նախորդ մրցաշրջանի վերջնամասում կարող էր դուրս մնալ ֆորմուլա-1-ից: Lotus թիմը հրաժարվեց երկարաձգել պայմանագիրը նրա հետ, իսկ նոր առաջարկներ այդ պահին չկային: Վերջին պահին Վիտալին պայմանագիր կնքեց Caterham F1 Team-ի հետ:

Այս մրցաշրջանում Վիտալի Պետրովը միավոր չի վաստակել եւ գտնվում է 20-րդ տեղում: 2011-ին նա Lotus Renault-ի կազմում զբաղերցել էր 10-րդ տեղը, իսկ Ավստրալիայի Մեծ մրցանակում գրանցել էր երրորդ արրդյունքը: 

Հետևեք NEWS.am SPORT-ին Facebook-ում, Twitter և Telegram-ում


  • Այս թեմայով