Ռուսական «Սոչիում» փորձաշրջան անցնող Հայաստանի հավաքականի հարձակվող Ալեքսանդր Կարապետյանը չորրորդ գոլն է խփել։ Խորվաթիայի «Ռիեկայի» հետ ընկերական խաղում Կարապետյանը հավասարեցրել է հաշիվը՝ 1։1։ «Սոչին» այդ խաղում հաղթել է 2։1 հաշվով։
Հիշեցնենք, որ Լյուքսեմբուրգի «Պրոգրեսի» 31-ամյա հարձակվողը «Սոչիի» հետ մարզումային հավաքի էր մեկնել Սլովենիա։ Կարապետյանը դուբլի հեղինակ էր դարձել սերբական «Ռադնիչկիի» հետ խաղում (2:0), որն անավարտ էր մնացել հորդառատ անձրեւի պատճառով։ Սլովենական «Օլիմպիայի» հետ խաղում Կարապետյանն աչքի էր ընկել մեկ գոլով։ Այդ խաղում «Սոչին» պարտվել էր 3։4 հաշվով։
Հետևեք NEWS.am SPORT-ին Facebook-ում, Twitter և Telegram-ում