Welcome, @DeJongFrenkie21 pic.twitter.com/bcfTLIuzJu
— FC Barcelona (@FCBarcelona) July 4, 2019
Իսպանիայի չեմպիոն «Բարսելոնան» ներկայացրեց թիմի նորեկ, հոլանդացի կիսապաշտպան Ֆրենկի Դե Յոնգին։ Պաշտոնական շնորհանդեսը տեղի կունենա հուլիսի 5-ին։
Ամստերդամի «Այաքսի» եւ Հոլանդիայի հավաքականի խաղացողի հետ պայմանագիրը կատալոնական ակումբը կնքել էր դեռ հունվարին, սակայն մրցաշրջանի երկրորդ հատվածը եւս Դե Յոնգն անցկացրեց «Այաքսում»։
22-ամյա ֆուտբոլիստի համար «Բարսելոնա» վճարել է 75 միլիոն եվրո: Այդ գումարը կարող է ավելանալ եւս 11 միլիոնով, եթե ֆուտբոլիստը ցուցադրի արդյունավետ խաղ եւ մրցանակներ նվաճի:
Դե Յոնգի տրանսֆերի գումարը 5-րդն է «Բարսելոնայի» պատմության մեջ: Նրանից թանկ եղել են բրազիլացի Ֆիլիպե Կոուտինյոն (130 միլիոն եվրո), ֆրանսիացի Ուսման Դեմբելեն (120 միլիոն եվրո), բրազիլացի Նեյմարը (88,2 միլիոն եվրո) եւ ուրուգվայցի Լուիս Սուարեսը (81,72 միլիոն եվրո):
LIVE @DeJongFrenkie21 #ReadyToColor https://t.co/m0NxlESLYx
— FC Barcelona (@FCBarcelona) July 4, 2019
Հետևեք NEWS.am SPORT-ին Facebook-ում, Twitter և Telegram-ում