«Չելսիի» տպավորիչը հոլովակը՝ Լեմպարդի վերադարձի առթիվ

Լոնդոնի «Չելսին» տպավորիչ տեսահոլովակով ողջունել է 41-ամյա Ֆրենկ Լեմպարդի վերադարձը ակումբ։ Անգլիացի մարզիչը կնքել է երեք տարվա պայմանագիր նախկին թիմի հետ՝ գլխավոր մարզիչի պաշտոնում փոխարինելով իտալացի Մաուրիցիո Սարիին, որը տեղափոխվել է Թուրինի «Յուվենտուս»։

Լեմպարդը մարզչական կարիերան սկսել է 2018թ․ մայիսին։ «Դերբի Քաունթին» նրա գլխավորությամբ հանդես եկավ Պրեմյեր լիգայի ուղեգրի համար փլեյ-օֆֆում, սակայն 1։2 հաշվով պարտվեց «Աստոն Վիլային»։

Լեմպարդը «Չելսիում» խաղացել է 2001-2014 թվականներին, դարձել է Անգլիայի եռակի չեմպիոն, քառակի գավաթակիր, կրկնակի սուպերգավաթակիր, Անգլիական լիգայի կրկնակի գավաթակիր, Չեմպիոնների լիգայի եւ Եվրոպայի լիգայի հաղթող։

Հետևեք NEWS.am SPORT-ին Facebook-ում, Twitter և Telegram-ում