Լոնդոնի «Արսենալի» գործադիր տնօրեն Վինայ Վենկատեշամը մեկնաբանել է Հայաստանի հավաքականի ավագ Հենրիխ Մխիթարյանի՝ ֆուտբոլի Եվրոպայի լիգայի եզրափակիչին չմեկնելու որոշումը:
«Դա տխուր է: Մեզ հաճախ չէ բախտ վիճակվում հանդես գալ եվրոպական մեծ մրցաշարերի եզրափակիչներում, եւ Հենրիխից խլեցին այն: Մենք հստակ հայտնել ենք մեր դիրքորոշումն ՈւԵՖԱ-ին: Մենք հանդիպում կունենանք խաղից հետո եւ կհայտարարենք, որ դա անընդունելի է: Նման բան պետք է չկրկնվի ո՛չ «Արսենալի», ո՛չ էլ այլ ակումբի հետ»,- Վինայ Վենկատեշամի խոսքը մեջբերում է BBC-ն:
Հիշեցնենք, որ մայիսի 29-ին Ադրբեջանի մայրաքաղաք Բաքվում կայանալիք եզրափակիչում «Արսենալի» մրցակիցը կլինի Լոնդոնի «Չելսին»:
Ավելի վաղ ՈւԵՖԱ-ն եւ Ադրբեջանի իշխանությունը «Արսենալին» եւ Մխիթարյանին տվել էին անվտանգության երաշխիքներ, սակայն լոնդոնյան ակումբը մայիսի 21-ին հայտարարեց, որ հայ կիսապաշտպանի եւ նրա ընտանիքի հետ քննարկումների արդյունքում որոշել են ֆուտբոլիստին չտանել Բաքու։
Նախկինում Մխիթարյանը բաց է թողել երկու արտագնա եվրագավաթային հանդիպումներ արդբեջանական ակումբների հետ։ 2017-ին Հենրիխ Մխիթարյանը Եվրոպայի լիգայի գավաթակիր դարձել է անգլիական «Մանչեսթեր Յունայթեդի» կազմում:
Հետևեք NEWS.am SPORT-ին Facebook-ում, Twitter և Telegram-ում
15:41 , 6 մայիսի 
14:55 , 6 մայիսի 
14:22 , 6 մայիսի 
13:42 , 6 մայիսի 
12:57 , 6 մայիսի 
12:09 , 6 մայիսի 
11:41 , 6 մայիսի 
11:19 , 6 մայիսի 
10:58 , 6 մայիսի 
10:29 , 6 մայիսի 
