Ֆուտբոլի Պորտուգալիայի ազգային հավաքականի նախկին պաշտպան Ռիկարդո Կարվալյոն չի ցանկանում հեռանալ Մադրիդի «Ռեալից»:
34-ամյա պորտուգալացին արդեն մի քանի առաջարկներ է մերժել ռուսական եւ քաթարյան ակումբներից: Թիմի գլխավոր մարզիչի հետ զրույցում Կարվալյոն հայտնել է, որ դեռ մեկ տարի կարող է օգտակար լինել Արքայական ակումբին, իսկ Ժոզե Մոուրինյոն շարունակում է վստահել իր հայրենակցին, հաղորդում է Marca-ն:
Այնուամենայնիվ, Կարվալյոն դեռ «Ռեալի» կազմում չի մասնակցում նոր մրցաշրջանի նախապատրաստական հավաքին:
Պորտուգալացի պաշտպանը 2010 թվականին Լոնդոնի «Չելսիից» է տեղափոխվել «Ռեալ»: Իսպանիայի ավարտված առաջնությունում մասնակցել է ութ հանդիպման:
Հետևեք NEWS.am SPORT-ին Facebook-ում, Twitter և Telegram-ում