Նոր մրցաշրջանում «Մանչեսթեր Յունայթեդի» համար գլխավոր մրցաշարը կլինի Անգլիայի առաջնությունը, հայտարարել է թիմի գլխավոր մարզիչ Ալեքս Ֆերգյուսոնը։
«Նոր մրցաշրջանում մեր գլխավոր նպատակը կլինի չեմպիոնական տիտղոսը վերադարձնելը։ Նախորդ տարիներին «Մանչեսթեր Յունայթեդը» մշտապես եղել է չեմպիոնի հավակնորդների թվում։ 1998-ի չեմպիոնական մրցավազքում մենք պարտվեցինք «Արսենալին», բայց կարողացանք հավաքվել եւ արդեն հաջորդ տարի վերադարձրինք լավագույնի կոչումը, հաղթեցինք երկրի գավաթի խաղարկությունում եւ Չեմպիոնների լիգայում»,- Ֆերգյուսոնի խոսքը մեջբերում է «Մանչեսթեր Յունայթեդի» կայքը։
Հետևեք NEWS.am SPORT-ին Facebook-ում, Twitter և Telegram-ում