ԱՄՆ-ում տեղի է ունեցել բասկետբոլային Փառքի սրահի նորեկների հանդիսավոր մեծարումը: Այս տարի Փառքի սրահում ընդգրկվել են Բասկետբոլի ազգային ասոցիացիայի աստղեր Շաքիլ Օ՝Նիլը, Յաո Մինն ու Ալեն Այվերսոնը:
Օ՝Նիլը 19 մրցաշրջան է անցկացրել NBA-ում՝ դառնալով քառակի չեմպիոն, 2000-ին ճանաչվել է մրցաշրջանի ամենաարժեքավոր խաղացող:
Այվերսոնը NBA-ում անցկացրած 14 մրցաշրջանում ամենաարժեքավոր խաղացողի կոչումը ստացել է մեկ տարի անց Օ՝Նիլից հետո:
Յաո Մինը «Հյուսթոն Ռոքեթսում» անցկացրած 9 մրցաշրջաններում 8 անգամ մասնակցել է Բոլոր աստղերի հանդիպումներին:
Փառքի սրահ է ընդգրկվել նաեւ «Չիկագոյի» նախկին սեփականատեր Ջերի Ռեյնսդորֆը, որի նախագահության տարիներին ակումբը 90-ականներին վեց անգամ հռչակվեց չեմպիոն:
Հետևեք NEWS.am SPORT-ին Facebook-ում, Twitter և Telegram-ում