Ֆրանսիացի լեգենդար ֆուտբոլիստ Զինեդին Զիդանը կարող է զբաղեցնել Ֆրանսիայի ազգային հավաքականի գլխավոր մարզիչի թափուր պաշտոնը:
Ֆրանսիական L’Equipe-ը գրում է, որ 40-ամյա Զիդանը Ֆրանսիայի հավաքականի նոր մարզիչի գլխավոր հավակնորդն է:
Թեկնածուների թվում է նաեւ «Մարսելի» նախկին գլխավոր մարզիչ Դիդյե Դեշամը, սակայն Ֆրանսիայի ֆուտբոլի ֆեդերացիայի ղեկավարությունը ցանկանում է հենց Զիդանին տեսնել ազգային թիմի գլխավոր մարզիչի պաշտոնում:
Այս պահին Զիդանը Մադրիդի «Ռեալի» մարզական տնօրենն է: Նա բազմիցս հայտնել է, որ ցանկանում է սկսել մարզչական կարիերա:
Հետևեք NEWS.am SPORT-ին Facebook-ում, Twitter և Telegram-ում