Մոսկվայի «Սպարտակի» գլխավոր մարզիչ Դմիտրի Ալենիչեւը հաստատել է, որ ձմեռային տրանսֆերային պատուհանի ժամանակ Հայաստանի հավաքականի կիսապաշտպան Արաս Օզբիլիսը հեռանալու է ռուսական ակումբից:
«Արաս Օզբիլիսը եւ Կիրիլ Կոմբարովը հեռանում են թիմից: Արասը քիչ խաղային պրակտիկա էր ստանում: Վնասվածքից հետո նա ոչ մի կերպ չէր կարողանում վերադառնալ նախկին մարզավիճակին: Օզբիլիսը հայտնեց թիմից հեռանալու ցանկություն, եւ մենք կարծում ենք, որ այլ ակումբում նա կխաղա ավելի շատ»,- մարզիչի խոսքը մեջբերում է «Чемпионат.com»-ը:
Հիշեցնենք, որ Արաս Օզբիլիսը «Սպարտակի» հետ չի մեկնել Աբու Դաբի եւ Մոսկվայում մարզվում է ակումբի երիտասարդական թիմի հետ: Օրերս «Սպարտակից» հեռացել էր նաեւ Հայաստանի հավաքականի 28-ամյա հարձակվող Յուրա Մովսիսյանը, որը վերադարձել է ամերիկյան «Ռեալ Սոլթ Լեյք»:
Արաս Օզբիլիսը 2013-ին Կրասնոդարի «Կուբանից» է տեղափոխվել «Սպարտակ», որի կազմում անցկացրել է 35 խաղ՝ խփելով 3 գոլ:
Հետևեք NEWS.am SPORT-ին Facebook-ում, Twitter և Telegram-ում
03:31 , 28 ապրիլի 
02:23 , 28 ապրիլի 
01:17 , 28 ապրիլի 
01:09 , 28 ապրիլի 
21:59 , 27 ապրիլի 
21:37 , 27 ապրիլի 
21:04 , 27 ապրիլի 
20:33 , 27 ապրիլի 
19:41 , 27 ապրիլի 
19:25 , 27 ապրիլի 
