Գերմանացի մարզիչ Թոմաս Տուխելը հանդիպումներ է անցկացնում Դորտմունդի «Բորուսիայի» ֆուտբոլիստների հետ: «Մայնցի» նախկին մարզիչը ամռանը կգլխավորի «Բորուսիան»՝ փոխարինելով Յուրգեն Կլոպին:
Տուխելը հանդիպել է նաեւ Հայաստանի հավաքականի կիսապաշտպան Հենրիխ Մխիթարյանի հետ: 41-ամյա մասնագետը նշել է, որ ցանկանում է հաջորդ մրցաշրջանում Մխիթարյանին տեսնել թիմում եւ ներկայացրել է իր ֆուտբոլային փիլիսոփայությունը, հաղորդում է Goal.com-ը:
Թոմաս Տուխելի հաջորդ զրուցակիցը կլինի «Բորուսիայի» գերմանացի պաշտպան Մատս Հումելսը, որին եւս մարզիչը ցանկանում է պահել թիմում:
Հետևեք NEWS.am SPORT-ին Facebook-ում, Twitter և Telegram-ում