Դորտմունդի «Բորուսիայի» գլխավոր մարզիչ Յուրգեն Կլոպը դեռ չի կողմնորոշվել իր ապագայի հարցում: Ավելի վաղ գերմանացի մասնագետը պաշտոնապես հայտարարել էր, որ այս մրցաշրջանի վերջում հեռանալու է Դորտմունդից:
«Ժամանակ չեմ ունեցել ապագայիս վերաբերյալ մտածելու համար: Այժմ դա այնքան էլ կարեւոր չէ: Նախ ցանկանում եմ ավարտել ժամանակս այստեղ:
Ամեն բան հնարավոր է: Չի բացառվում, որ օգնականներիս հետ կհանգստանանք մեկ մրցաշրջան: Այժմ ոչ ոք չգիտի, թե ինչ տեղի կունենա»,- Կլոպի խոսքը մեջբերում է Goal.com-ը:
Հիշեցնենք, որ ապրիլի 19-ին հայտնի դարձավ, որ «Բորուսիայում» Յուրգեն Կլոպին փոխարինելու է «Մայնցի» նախկին գլխավոր մարզիչ Թոմաս Տուխելը:
Հետևեք NEWS.am SPORT-ին Facebook-ում, Twitter և Telegram-ում