Ռուսաստանցի Մարիա Շարապովան պատմության մեջ առաջին անգամ հռչակվեց թենիսի Ֆրանսիայի բաց առաջնության չեմպիոն:
Ռոլան Գարոսի եզրափակիչում աշխարհի երկրորդ ռակետն առավելության հասավ Իտալիայի ներկայացուցիչ Սարա Էրանիի նկատմամբ: Մեկ ժամ 29 րոպե տեւած մրցախաղում Շարապովան հաղթեց 6:3, 6:2 հաշվով:
Ռուսաստանցին երրորդ տիտղոսը նվաճեց այս մրցաշրջանում եւ 27-րդը՝ կարիերայում:
Հունիսի 11-ին հրապարակվող WTA-ի վարկանիաշային աղյուսակում Շարապովան կշրջանցի բելառուս Վիկտորիա Ազարենկոյին եւ կբարձրանա առաջին տեղ:
Ռոլան Գարոս. եզրափակիչ
Մարիա Շարապովա (Ռուսաստան, 1) – Սարա Էրանի (Իտալիա, 21) - 6:3, 6:2
Հետևեք NEWS.am SPORT-ին Facebook-ում, Twitter և Telegram-ում