ՈւԵՖԱ-ի գործադիր կոմիտեն թույլատրել է Իսրայելին դարձյալ ընդունել եվրագավաթային մրցաշարերի եւ Եվրոպայի առաջնության ընտրական փուլի հանդիպումներ: Այդ մասին հաղորդում է ՈւԵՖԱ-ի կայքը: Իսրայելը զրկվել էր տանը հանդիպումներ անցկացնելու հնարավորությունից ամռանը Գազայի հատվածի հետ բախումների պատճառով:
Իսրայելական ակումբները Չեմպիոնների լիգայի եւ Եվրոպայի լիգայի հանդիպումներն անցկացնում էին չեզոք խաղադաշտում: Իսկ սեպտեմբերի 9-ին նշանակված Եվրոպայի առաջնության ընտրական մրցաշարի Բելգիայի դեմ հանդիպումը հետաձգվել էր եւ կկայանա 2015թ. մարտի 31-ին:
Հետևեք NEWS.am SPORT-ին Facebook-ում, Twitter և Telegram-ում