Մադրիդի «Ռեալի» իտալացի գլխավոր մարզիչ Կարլո Անչելոտին ամուսնացել է: 55-ամյա մասնագետի ընտրյալը Մարիան Աուգերն է, որի հետ Անչելոտին ծանոթացել է Լոնդոնում, երբ «Չելսիի» գլխավոր մարզիչն էր: Աուգերը եղել է լոնդոնյան բանկերից մեկի խորհրդատուն: Նրանք միասին են ապրում 2011 թվականից: Հարսանիքը կայացել է Կանադայի Վանկուվեր քաղաքում, հաղորդում է Marca-ն:
Սա Անչելոտիի երկրորդ ամուսնությունն է: Առաջին ամուսնությունից Անչելոտին ունի դուստր, որը եւս ներկա է եղել պսակադրությանը:
Մադրիդի «Ռեալը» մարզումները կվերսկսի հուլիսի 14-ին:
Հետևեք NEWS.am SPORT-ին Facebook-ում, Twitter և Telegram-ում