Հայաստանի ազգային հավաքականի եւ ֆուտբոլի Լիտվայի չեմպիոն «Ժալգիրիսի» պաշտպան Արտակ Եդիգարյանը NEWS.am Sport-ի թղթակցի հետ զրույցում մեկնաբանեց ֆուտբոլի Եվրոպայի 2016թ. առաջնության ընտրական մրցաշարի վիճակահանության արդյունքները:
«Մեզ բաժին հասավ ամենաբարդ խմբերից մեկը: Բոլոր մրցակիցներն էլ ուժեղ են: Իսկ թե ո՞վ է ավելի բարդ մրցակից՝ Դանիան, թե՞ Սերբիան, պարզ կլինի միայն խաղերից հետո: Մենք պետք է լավ պատրաստվենք բոլոր խաղերին, որպեսզի հաջողություն ունենանք: Կարծում եմ՝ մենք կարող ենք հաջող հանդես գալ բոլոր թիմերի դեմ: Այս պահին դժվար է ասել, թե որ խմբում կցանկանայի հայտնվեինք, քանի որ ես արդյունքի մասին իմացա վիճակահանությունից հետո»,- զրույցում հայտնեց Եդիգարյանը:
Հիշեցնենք, որ Հայաստանի հավաքականը, Պորտուգալիայի, Դանիայի, Սերբիայի եւ Ալբանիայի հավաքականների հետ ընդգրկվել է Եվրո-2016-ի ընտրական I խմբում:
Արտակ Եդիգարյանն օրեր առաջ հրավիրվել էր Հայաստանի հավաքական՝ մասնակցելու Ռուսաստանի դեմ մարտի 5-ին Կրասնոդաում կայանալիք ընկերկական խաղին:
Վերա Մարտիրոսյան
Հետևեք NEWS.am SPORT-ին Facebook-ում, Twitter և Telegram-ում
01:19 , 4 մայիսի 
00:59 , 4 մայիսի 
23:47 , 3 մայիսի 
23:37 , 3 մայիսի 
23:13 , 3 մայիսի 
22:04 , 3 մայիսի 
21:00 , 3 մայիսի 
20:01 , 3 մայիսի 
19:34 , 3 մայիսի 
19:18 , 3 մայիսի 
