Շախմատի աշխարհի չորրորդ չեմպիոն Ալեքսանդր Ալյոխինի հուշամրցաշարում ապրիլի 23-ին կայացան երրորդ տուրի պարտիաները:
Լեւոն Արոնյանը սեւերով ոչ ոքի խաղաց աշխարհի չեմպիոն Վիշվանաթան Անանդի հետ, իսրայելցի Բորիս Գելֆանդը սպիտակներով հաղթեց անգլիացի Մայքլ Ադամսին, իսկ Վլադիմիր Կրամնիկ – Մաքսիմ Վաշյե-Լագրավ, Դին Լիժեն – Լորան Ֆրեսինեն ու Պյոտր Սվիդլեր – Նիկիտա Վիտյուգով պարտիաներն ավարտվեցին ոչ ոքի:
Երրորդ տուրից հետո Ադամսը, Գելֆանդն ու Վաշյե-Լագրավն ունեն 2-ական միավոր, Արոնյանը, Կրամնիկը, Լիժեն ու Ֆրեսինեն՝ 1.5-ական, իսկ Անանդը, Սվիդլերն ու Վիտյուգովը՝ մեկական:
Մրցաշարի առաջին հինգ տուրերը (ապրիլի 21-25-ը) կանցկացվեն Լուվրի «Տյուիլրի» այգում, իսկ վերջին չորս տուրերը (ապրիլի 28-ից մայիսի 1-ը)՝ Սանկտ Պետերբուրգի Ռուսական թանգարանի Միխայլովյան պալատում: Ալյոխինի հուշամրցաշարի մրցանակային հիմնադրամը 100 հազար եվրո է:
Հետևեք NEWS.am SPORT-ին Facebook-ում, Twitter և Telegram-ում