ԱՄՆ պաշտպանության նախկին նախարար Դոնալդ Ռամսֆելդը 80 տարեկանում պատրաստ է դուրս գալ մրցագորգ` Օլիմպիական խաղերի ծրագրում ըմբշամարտի իրավունքի համար:
Դոնալդ Ռամսֆելդը դպրոցում, Պրինստոնի համալսարանում եւ ԱՄՆ ռազմածովային ուժերում ծառայության տարիներին մարզվել է ըմբշամարտով: The Washington Post-ում հրապարակած հոդվածում Ռամսֆելդը տարակուսել է ՄՕԿ-ի գործկոմի որոշման կապակցությամբ: Հիշեցնենք, որ ՄՕԿ-ի գործկոմը հանձնարարել է 2020թ. Օլիմպիական խաղերի ծրագրից հանել ըմբշամարտը:
«Ըմբշամարտի պատմությունն Օլիմպիական խաղերում չունի հավասարը: Օլիմպիական ծրագրից ըմբշամարտի հանելը կլինի ողբերգություն սպորտի, մարզիկների եւ Օլիմպիական խաղերի հարուստ ավանդույթների համար: Մի քանի հազարամյակում ըմբշամարտը ժողովրդականություն է նվաճել բոլոր մայրցամաքներում: Այն տարածված է գրեթե բոլոր երկրներում եւ մշակութային ժառանգության մաս է: Ըմբշամարտի միջազգային հանրությունը պետք է միավորվի եւ պայքարի, բոլոր երկրների մարզական հանրությունները պետք է գտնեն ծանրակշիռ փաստարկներ եւ համոզեն ՄՕԿ-ի ղեկավարությանը, որ անհրաժեշտ է ըմբշամարտը թողնել Օլիմպիական խաղերի ծրագրում: Ես հույս ունեմ, որ ՄՕԿ-ի գործկոմը կվերանայի իր սխալ որոշումը»,- գրել է Պենտագոնի նախկին ղեկավարը:
ԱՄՆ ըմբշամարտի ֆեդերացիան հույս ունի ստանալ երկրի ազդեցիկ քաղաքական եւ հասարակական գործիչների աջակցությունը եւ ըմբշամարտի աջակցության արշավին տալ ավելի ծանրակշիռ եւ ընդգրկուն բնույթ: Արդեն ստեղծվել է նախկին օլիմպիական չեմպիոնների հատուկ խումբ, որը ըմբշամարտի իրավունքները կպաշտպանի ՄՕԿ-ում:
«ԱՄՆ ըմբշամարտի ֆեդերացիան օգնության խնդրանքով կդիմի նաեւ միջազգային բիզնեսի առաջնորդներին եւ հանրության հետ կապերի մասնագետներին` ըմբշամարտը օլիմպիական ծրագրում թողնելու ուղղությամբ ռազմավարություն մշակելու հարցում»,- հայտնել է ֆեդերացիայի նախագահ Ռիկ Բենդերը:
Հետևեք NEWS.am SPORT-ին Facebook-ում, Twitter և Telegram-ում
01:05 , 5 մայիսի 
00:52 , 5 մայիսի 
00:46 , 5 մայիսի 
00:25 , 5 մայիսի 
00:13 , 5 մայիսի 
22:44 , 4 մայիսի 
22:33 , 4 մայիսի 
21:49 , 4 մայիսի 
20:13 , 4 մայիսի 
19:29 , 4 մայիսի 
