Չավին ցանկանում է «Բարսելոնայում» տեսնել Կվարացխելիային

Իսպանիայի չեմպիոն «Բարսելոնայի» իսպանացի գլխավոր մարզիչ Չավին հետաքրքված է իտալական «Նապոլիի» եւ Վրաստանի հավաքականի հարձակվող Խվիչա Կվարացխելիայի ծառայություններով, հաղորդում է իտալական La Gazzetta dello Sport-ը։

Կատալոնական ակումբի գլխավոր մարզիչի պաշտոնում Չավիի մնալու հանգամանքը մեծացրել է Կվարացխելիայի տեղափոխության հավանականությունը։

Հաջորդ շաբաթ Կվարացխելիայի գործակալ Մամուկա Ջուգելին կհանդիպի «Նապոլիի» նախագահ Աուրելիո Դե Լաուրենտիսի հետ՝ քննարկելու հնարավոր տրանսֆերը։

Ընթացիկ մրցաշրջանում Կվարացխելիան «Նապոլիի» հետ բոլոր մրցաշարերում մասնակցել է 41 հանդիպման, խփել է 10 գոլ, կատարել 8 գոլային փոխանցում։

Նրա պայմանագիրը «Նապոլիի» հետ նախատեսված է մինչեւ 2027թ․ հունիս։

Transfermarkt-ը Կվարացխելիայի տրանսֆերային արժեքը գնահատում է 80 միլիոն եվրո։

Հետևեք NEWS.am SPORT-ին Facebook-ում, Twitter և Telegram-ում