Արման Ծառուկյանի մարզիչ․ Օլիվեյրան Մախաչեւից վտանգավոր է

Խառը մենամարտերի թեթեւ քաշային կարգում UFC դասակարգման չորրորդ համար Արման Ծառուկյանի (Հայաստան) բրազիլացի մարզիչ Մարկոս ԴաՄատան բարձր է գնահատել թեթեւ քաշային կարգում UFC նախկին չեմպիոն, դասակարգման առաջին համար, բրազիլացի Չարլզ Օլիվեյրայի (լուսանկարում) հնարավորությունները։

«Արմանին չտվեցին տիտղոսային մենամարտ, բայց նրա մրցակիցը լեգենդար մարզիկ է։ Օլիվեյրան Մախաչեւից վտանգավոր է։ Նա ունի լավ հարվածներ եւ հրաշալի ջիու-ջիցու։ Թերեւս, նա լավագույնն է UFC-ի պատմության մեջ մենամարտերը ժամանակից շուտ ավարտելու գործում»,- ԴաՄատայի խոսքը մեջբերում է MMAJunkie-ն։

Արման Ծառուկյանը Օլիվեյրայի հետ կմենամարտի ապրիլի 13-ին Լաս Վեգասում, UFC 300 մրցաշարում։ Այս մենամարտի հաղթողը տիտղոսային մենամարտ կանցկացնի UFC չեմպիոն, ռուսաստանցի Իսլամ Մախաչեւի հետ։

Հետևեք NEWS.am SPORT-ին Facebook-ում, Twitter և Telegram-ում