Կարեն Դեմիրճյանի անվան մարզահամերգային համալիրում անցկացվող սամբոյի աշխարհի առաջնության երկրորդ մրցումային օրը Հայաստանի թիմը նվաճեց 3 մեդալ՝ երկու արծաթե եւ մեկ բրոնզե:
Արծաթե մեդալակիրներ դարձան Արամ Աղաջանյանը (71 կգ) եւ մարտական սամբոյից Վահրամ Գրիգորյանը (64 կգ), բրոնզե մեդալ նվաճեց Վահագն Չալյանը (88 կգ):
Երկրորդ մրցումային օրը խաղարկվեց 7 մեդալային հավաքածու, որից երկուսը մարտական սամբոյում:
Տղամարդկանց 71 կգ քաշային կարգում աշխարհի չեմպիոնի տիտղոսը նվաճեց FIAS-ի դրոշի ներքո հանդես եկող ռուս Ռամեդ Գուկեւը, արծաթե մեդալակիր՝ Արամ Աղաջանյան (Հայաստան), բրոնզե մեդալակիրներ՝ Սարբոն Էռնազարով (Ուզբեկստան), Արնուր Կվատայ (Ղազախստան):
88 կգ քաշային կարգում չեմպիոնի տիտղոսը նվաճեց Ժամալբեկ Ասիլբեկ Ուլու (Ղրղստան), արծաթե մեդալակիր՝Յելաման Կոյշիբաեւ (Ղազախստան), բրոնզե մեդալակիրներ՝ Վահագն Չալյան (Հայաստան) եւ Տին Ստրազա (Խորվաթիա):
+98 կգ քաշային կարգում աշխարհի չեմպիոն է հռչակվել FIAS-ի դրոշի ներքո հանդես եկող ռուս Արտյոմ Օսիպենկոն, արծաթե մեդալակիր՝ Լիե Նատեա (Ռումինիա), բրոնզե մեդալակիրներ՝ Բեկբոլոտ Տոկտոգոնով (Ղրղզստան), Վիկտորս Ռեսկո (Լատվիա):
Կանանց պայքարում 65 կգ քաշային կարգում աշխարհի չեմպիոն է դարձել FIAS-ի դրոշի ներքո հանդես եկող բելառուս Դանիելա Ժդանը, արծաթե մեդալակիր՝ Սունիջիդմա Ցոգ-Օչիր (Մոնղոլիա), բրոնզե մեդալակիրներ՝ Սեմ Վան Դուն (Հոլանդիա), Աննա Մարիա Մանուշեւա (Բուլղարիա):
Կանանց 72 կգ քաշային կարգում աշխարհի չեմպիոնի տիտղոսը նվաճել է ռուս Քսենիա Զադվորովան (FIAS-R), արծաթե մեդալակիր՝ բելառուս Անժելա Զիլինսկայա (FIAS-B), բրոնզե մեդալակիրներ՝ Վոլհա Մալեիկա (Ռումինիա), Շինար Աբատովա (Ղազախստան):
Մարտական սամբո
58 կգ քաշային կարգ
Ոսկե մեդալակիր՝ Մուխտար Գամզաեւ (FIAS-R)
Արծաթե մեդալակիր՝ Տոգտոխբայար Նյամխուու (Մոնղոլիա)
Բրոնզե մեդալակիրներ՝ Լութֆիլա Սայդամատով (Ուզբեկստան), Բոբոխոն Միրզոզոդա ( Տաջիկստան):
64 կգ
Ոսկե մեդալակիր՝ Շեյխ-Մանսուր Խաբիբուլաեւ (FIAS-R)
Արծաթե մեդալակիր՝ Վահրամ Գրիգորյան (Հայաստան)
Բրոնզե մեդալակիրներ՝ Սայակ Բարականով (Ղրղզստան), Մուհամադալի Սադուլաեւ (Ուզբեկստան):
Սամբոյի աշխարհի առաջնության մրցումային վերջին օրը՝ նոյեմբերի 12-ին, մրցագորգ դուրս կգան տղամարդկանց 79 կգ, 98 կգ, կանանց՝ 80 կգ, +80 կգ, մարտական սամբոյի 71 կգ 88 կգ եւ +98 կգ քաշային կարգերի ներկայացուցիչները :
Հայաստանի թիմից պայքարի մեջ կմտնեն Բորիս Շատվերյանը (79 կգ ), Հակոբ Առաքելյանը (98 կգ), Նելլի Ավետիսյանը (80 կգ) եւ Աննա Մկրտչյան (+80 կգ), մարտական սամբոյում՝ Վաչիկ Վարդանյանը (71 կգ), Ավետիք Պողոսյանը (88 կգ ) եւ Արման Ավանեսյանը (98 կգ):
Հետևեք NEWS.am SPORT-ին Facebook-ում, Twitter և Telegram-ում