Ընթացիկ տրանսֆերային պատուհանի ընթացքում աշխարհի բոլոր ակումբները միասին ֆուտբոլիստների ձեռք բերման համար ծախսել են ընդհանուր 7,631 միլիարդ եվրո, ինչը ռեկորդային ցուցանիշ է, հաղորդում է Transfermarkt-ը։
Նախորդ ռեկորդը գրանցվել էր 2019թ․ ամռանը՝ 7,568 միլիարդ եվրո։
Այս ամռանը ամենաշատը ծախսել են անգլիական ակումբները՝ 2,43 միլիարդ եվրո։ Երկրորդ տեղ է բարձրացել Սաուդյան Արաբիան՝ 846 միլիոն եվրո։
Հաջորդ տեղերում են իտալական Ա Սերիան (794 միլիոն եվրո), գերմանական Բունդեսլիգան (695 միլիոն եվրո), ֆրանսիական Լիգա 1-ը (693 միլիոն եվրո) եւ իսպանական Լա Լիգան (397 միլիոն եվրո)։
Եվրոպայի առաջատար լիգաներում տրանսֆերային պատուհանը կփակվի սեպտեմբերի 1-ին։
Հետևեք NEWS.am SPORT-ին Facebook-ում, Twitter և Telegram-ում