Առաջին միջինքաշային կարգում աշխարհի նախկին չեմպիոն Ռիկի Հատոնը ցանկանում է վերադառնալ ռինգ: Դա տեղի կունենա նոյեմբերի 24-ին բռնցքամարտիկի հայրենի քաղաքում՝ Մանչեսթերում: Այդ մասին Հատոնը պաշտոնապես հայտարարել է սեպտեմբերի 14-ին կայացած մամուլի ասուլիսի ժամանակ:
«Բռնցքամարտից հեռանալուց հետո իմ կյանքում շատ բան է փոխվել: Ես ինձ ավելի լավ եմ զգում: Ցանկանում եմ մենամարտել տիտղոսների համար: Մարդիկ իմ մասին տհաճ մտքեր են արտահայտում, բայց նրանք չգիտեն՝ ինչ է կատարվել իմ կյանքում»,- Հատոնի խոսքը մեջբերում է BoxingScene-ը:
33-ամյա բրիտանացին իր վերջին մենամարտն անցկացրել է 2009-ին, երբ պարտվել է ֆիլիպինցի Մենի Պակյաոյին:
Հետևեք NEWS.am SPORT-ին Facebook-ում, Twitter և Telegram-ում