Հայտնի դարձան համաշխարհային շախմատային օլիմպիադայի 7-րդ տուրի զույգերը: Հայաստանի հավաքականը ուժերը կչափի Չինաստանի թիմի հետ: Մրցակիցները հանդիպել են 8 անգամ` 5 անգամ համաշխարհային օլիմպիադայում, եւ 3 անգամ աշխարհի թիմային առաջնությունում: 4 անգամ հաղթել է Հայաստանի հավաքականը, 2 անգամ Չիանստանի թիմը, եւ երկու հանդիպում ավարտվել է ոչ ոքի: Չինաստանի հավաքականը միջին գործակցով զիջում է Հայաստանի ընտրանում, եւ միջին վարկանշային աղյուսակում 6-րդն է: 2006 թվականի օլիմպիադայի արծաթե մեդալակիրները ունեն բավական ուժեղ կազմ, եւ 10 թիմային միավորով զբաղեցնում են 4-րդ հորիզոնականը: 6-րդ տուրում Չինաստանի ընտրանին 3.5:0.5 խոշոր հաշվով առավելության հասավ Բոսնիա եւ Հերցոգովինայի թիմի նկատմամբ:
Ադրբեջան - Ռուսաստան
Չինաստան - Հայաստան
Ֆիլիպիններ - Հունգարիա
Ուկրաինա - Իսպանիա
6-րդ տուրից հետո 11 թիմային միավոր ունեն Ռուսաստանի, Հայաստանի եւ Ադրբեջանի հավաքականները: Լրացուցիչ ցուցանիշներով առաջինը` Ռուսաստանն է, իսկ երկրորդը Հայաստանի թիմը, Ադրբեջանը երրորդն է, որը 6-րդ տուրում 3:1 հաշվով հաղթեց Խորվաթիայի թիմի եւ միացավ առաջատարներին: 10 թիմային միավորով 4-8 տեղերն են բաժանում` Չինաստանի, Ֆիլիպինների, Ուկրաինայի, Հունգարիայի եւ Իսպանիայի հավաքականները:
Կանանց Հայաստանի հավաքականը 7-րդ տուրում կհանդիպի Իտալիայի թիմի հետ, որը իր միջին `2248 գործակցով 31-րդն է:
Ռուսաստան - Լեհաստան
Վրաստան - Չինաստան
Ուկրաինա - Ֆրանսիա
Սերբիա - Վիետնամ
6-րդ տուրից հետո 11 թիմային միավորով մրցաշարային աղյուսակը գլխավորում են Ռուսաստանի եւ Լեհաստանի հավաքականները: 3-7 տեղերը 10 թիմային միավորով բաժանում են` Չինաստանի, Ուկրաինայի, Վրաստանի, Ֆրանսիայի եւ Վիետնամի հավաքականները: Հայաստանի կանանց թիմը 6 –րդ տուրում խոշոր հաշվով` 3.5-0.5 առավելության հասնելով Արգենտինայի կանանց հավաքականի թիմի նկտամամբ 8 թիմային միավորով 21 թիմերի հետ բաժանում է 18-38-րդ տեղերը` լրացուցիչ ցուցանիշներով 23-րդն է:
Սեպտեմբերի 4-ին Երեւանի ժամանակով 16:00 կկայան 7-րդ տուրի հանդիպումները:Թիմերի կազմերը ըստ խաղատախտակների կհրապարակվեն սեպտեմբերի 4-ի առավոտյան:
Հետևեք NEWS.am SPORT-ին Facebook-ում, Twitter և Telegram-ում