Աշխարհի առաջնություն. Արսեն Ջուլֆալակյանը կիսաեզրափակիչում է (ֆոտոշարք)
13:19 12 սեպտեմբերի, 2014Օլիմպիական խաղերի եւ աշխարհի փոխչեմպիոն Արսեն Ջուլֆալակյանը դուրս է եկել Ուզբեկստանի մայրաքաղաք Տաշքենդում ընթացող հունահռոմեական ոճի ըմբշամարտի աշխարհի առաջնության կիսաեզրափակիչ։
75 քաշային Ջուլֆալակյանը քառորդ եզրափակիչում 11։2 հաշվով հաղթել է մեքսիկացի Խուան Էսկոբարին։ Եզրափակիչի ուղեգրի համար Եվրոպայի փոխչեմպիոնը կմրցի Զուրաբի Դատունաշվիլի (Վրաստան) - Գուրպրիտ Սինղ (Հնդկաստան) զույգի հաղթողի հետ։
Հիշեցնենք, որ առաջին գոտեմարտում հայ ըմբիշը վստահ հաղթանակ էր տարել ադրբեջանցի Էլվին Մուրսալիեւի նկատմամբ, իսկ 1/8 եզրափակիչում 12։1 հաշվով պարտության մատնել ավստրիացի Ֆլորիան Մարխլին։
Սեպտեմբերի 12-ին ասպարեզ դուրս եկած 85 կգ քաշային Արթուր Շահինյանը մեկնարկային գոտեմարտում 0։3 հաշվով պարտվել էր իրանցի Ալի Մոյթաբա Քարիմֆարին։ Հայ ըմբիշի մրցակիցը հաջորդ փուլում պարտություն էր կրել, ինչի պատճառով Շահինյանը զրկվել է սփոփիչ գոտեմարտին մասնակցելու հնարավորությունից։
Շուշանիկ Հակոբյան՝ Տաշքենդից («Դեւինպորտ» ընկերության աջակցությամբ)
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.