01:56  +04,  14 մարտի, 2019

Չեմպիոնների լիգա. Քառորդ եզրափակիչի բոլոր մասնակիցները

Ֆուտբոլի Չեմպիոնների լիգայի 1/8 եզրափակիչի վերջին պատասխան խաղերից հետո հայտնի դարձան հաջորդ փուլի բոլոր մասնակիցները:

Քառորդ եզրափակիչում պայքարը շարունակում են կատալոնական «Բարսելոնան», անգլիական «Լիվերպուլը», «Մանչեսթեր Յունայթեդը», «Տոտենհեմը» եւ «Մանչեսթեր Սիթին», Թուրինի «Յուվենտուսը», Ամստերդամի «Այաքսը», պորտուգալական «Պորտուն»:

«Այաքսը» 1/8 եզրափակիչում պայքարից դուրս էր թողել Չեմպիոնների լիգայի նախորդ 3 մրցաշարերի հաղթող Մադրիդի «Ռեալին»:

Չեմպիոնների լիգայի քառորդ եզրափակիչի վիճակահանությունը տեղի կունենա մարտի 15-ին շվեյցարական Նիոնում: Այս փուլում բոլոր թիմերը կարող են հանդիպել իրար:

Քառորդ եզրափակիչի առաջին խաղերը տեղի կունենան ապրիլի 9-ին եւ 10-ին, իսկ պատասխան հանդիպումները՝ ապրիլի 16-ին եւ 17-ին:

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից: