Հայաստանի բռնցքամարտի ֆեդերացիայում նախագահ Արթուր Գեւորգյանի գլխավորությամբ տեղի ունեցած մարզչական խորհրդի նիստում քննարկվել են մարզչական աշխատանքները:
Հիմք ընդունելով Հայաստանի հավաքականի գլխավոր մարզիչ Դավիթ Թորոսյանի ծանրաբեռնվածությունը, ֆեդերացիայի նախագահի առաջարկով մարզչական խորհուրդը որոշեց, որ Թորոսյանն այսուհետեւ կզբաղվի պրոֆեսիոնալ բռնցքամարտիկներին մարզելով:
Հայաստանի ազգային հավաքականի գլխավոր մարզիչի պաշտոնը վստահվեց գյումրեցի Ռուդիկ Մկրտչյանին, որը Եվրոպայի չեմպիոն, աշխարհի բրոնզե մեդալակիր Հովհաննես Բաչկովի անձնական մարզիչն է: Ռուդիկ Մկրտչյանը մինչ այս կատարում էր հավաքականի գլխավոր մարզիչի օգնականի պարտականությունները:
Հավաքականի երկրորդ մարզիչ նշանակվեց Վահան Ադիլխանյանը, որն ավելի վաղ եղել է հավաքականի գլխավոր մարզիչի օգնական:
Հետևեք NEWS.am SPORT-ին Facebook-ում, Twitter և Telegram-ում