Հայաստանի ֆուտբոլի ֆեդերացիայի կողմից անցկացվող «Տարվա լավագույն ֆուտբոլիստ» եւ «Տարվա լավագույն մարզիչ» անվանակարգերում քվեարկությունն ավարտվել է դեկտեմբերի 20-ին:
Լավագույն ֆուտբոլիստին նախորդ տարվա պես ընտրում են միայն լրատվամիջոցների եւ ակումբների ներկայացուցիչները: Յուրաքանչյուր լրատվամիջոց ուներ 1 ձայնի իրավունք:
Քվեարկությանը մասնակցել է նաեւ NEWS.am Sport-ի խմբագիր Դավիթ Եղիազարյանը: Նա տարվա լավագույն ֆուտբոլիստի քվեարկությունում առաջին տեղում նշել է «Ակտոբեի» եւ Հայաստանի հավաքականի կիսապաշտպան Մարկոս Պիզելիին, որը Ղազախստանի ավարտված առաջնությունում (33 տուր) 24 խաղում խփել էր 18 գոլ եւ ճանաչվել մրցաշրջանի լավագույն ֆուտբոլիստ, ռմբարկու ու գոլի հեղինակ: Պիզելին առաջին տեղն էր գրավել նաեւ «գոլ+փոխանցում» հաշվարկով՝ դառնալով 10 գոլային փոխանցման հեղինակ:
Տարվա լավագույն մարզիչի քվեարկությունում առաջին տեղում նշվել է Երեւանի «Փյունիկի» գլխավոր մարզիչ Անդրեյ Տալալաեւի անունը: Ռուս մասնագետի գլխավորությամբ «Փյունիկն» այս մրցաշրջանում դարձել էր հայկական ֆուտբոլի պատմության միակ ակումբը, որը եվրագավաթներում հաղթանակի հասավ որակավորման 2 փուլերում: Եվրոպայի լիգայում երեւանյան ակումբը հաղթահարել էր մակեդոնական «Վարդարի» (1:0, 2:0) ու ղազապական «Տոբոլի» (1:2, 1:0) արգելքը, իսկ երրորդ փուլում պարտվեց Թել Ավիվի «Մաքաբիին» (0:0, 1:2):
Հայաստանի ֆուտբոլի ֆեդերացիան քվեարկության արդյունքները կհրապարակի դեկտեմբերի 24-ին:
NEWS.am Sport-ի խմբագրի քվեարկությունը
«Տարվա լավագույն ֆուտբոլիստ»
«Տարվա լավագույն մարզիչ»
Հետևեք NEWS.am SPORT-ին Facebook-ում, Twitter և Telegram-ում
21:49 , 4 մայիսի 
20:13 , 4 մայիսի 
19:29 , 4 մայիսի 
18:59 , 4 մայիսի 
18:28 , 4 մայիսի 
17:30 , 4 մայիսի 
15:51 , 4 մայիսի 
14:06 , 4 մայիսի 
13:27 , 4 մայիսի 
12:20 , 4 մայիսի 
