Անգլիական լիգայի գավաթի խաղարկության քառորդ եզրափակիչում «Մանչեսթեր Սիթին» հետխաղյա 11 մետրանոցներով հաղթեց «Լեսթերին» եւ դուրս եկավ հաջորդ փուլ: Լեսթերում կայացած հանդիպման հիմնական ժամանակն ավարտվեց 1:1 հաշվով, եւ անմիջապես նշանակվեց հետխաղյա 11 մետրանոց հարվածաշար (առանց լրացուցիչ ժամանակի): 11 մետրանոցներով մանչեսթերցիները հաղթեցին 3:1 հաշվով (տեսանյութ):
Կիսաեզրափակիչի ուղեգիր նվաճեց նաեւ Անգլիայի երրորդ ուժեղագույնների լիգայի ներկայացուցիչ «Բարտոնը», որը նվազագույն հաշվով հաղթեց «Միդլսբրոյին»:
Դեկտեմբերի 19-ին կկայանան քառորդ եզրափակիչի մյուս 2 դիմակայությունները՝ «Արսենալ» - «Տոտենհեմ», «Չելսի» - «Բորնմութ»:
Անգլիական լիգայի գավաթի խաղարկության կիսաեզրափակիչի զույգերը կորոշվեն վիճակահանությամբ:
Անգլիական լիգայի գավաթ, քառորդ եզրափակիչ
Դեկտեմբերի 18
«Լեսթեր» - «Մանչեսթեր Սիթի»՝ 1:1 (11 մետրանոցներով՝ 1:3)
Մարկ Օլբրայթոն, 73 – Կեւին դե Բրույնե, 14
«Միդլսբրո» - «Բարտոն»՝ 0:1
Ջեկ Հեսկեթ, 48
Դեկտեմբերի 19
«Արսենալ» - «Տոտենհեմ»՝ 23:45 (Երեւանի ժամանակով)
«Չելսի» - «Բորնմութ»՝ 23:45
Հետևեք NEWS.am SPORT-ին Facebook-ում, Twitter և Telegram-ում