23:52  +04,  17 դեկտեմբերի, 2018

Պրոֆեսոր Հարություն Մելքոնյանը՝ ՀՀՖ նախագահ

Հայաստանի հանդբոլի ֆեդերացիայի նախագահ է ընտրվել Ֆիզիկական կուլտուրայի հայկական պետական ինստիտուտի մարզախաղերի ամբիոնի վարիչ, պրոֆեսոր Հարություն Մելքոնյանը:

Երևանի  «Կոնգրես» հյուրանոցի նիստերի դահլիճում անցկացվել է Հայաստանի հանդբոլի ֆեդերացիայի նախագահի արտահերթ ընտրությունը: 40 պատվիրակներից ներկա է եղել 37-ը, հաղորդում է ՀԱՕԿ լրատվականը:

Կոնֆերանսի նախագահ է ընտրվել Արամ Կարապետյանը: Նա ներկայացրել է ընտրությունների անցկացման կարգը: Առաջադրվել է երկու թեկնածու. Արսեն Խաչատրյանը և Հարություն Մելքոնյանը: Նրանք ներկայացրել են իրենց ծրագրերը: Ելույթներ են ունեցել Մարկ Մելիքյանը, Արսեն Մխիթարյանը, Դերենիկ Գաբրիելյանը:

Հարություն Մելքոնյանն ընտրվել է բաց քվեարկությամբ:

ՀՀՖ նախորդ նախագահ Սարգիս Գրիգորյանը մահացել էր այս տարվա հուլիսին:

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

  • Հարցում
Քվեարկել են (12)
  • Ֆեյսբուք
  • NEWS.am Sport Exclusive
  • Արխիվ