Իսպանիայի առաջնության 14-րդ տուրում չեմպիոն «Բարսելոնան» տանը մրցեց «Վիլյառեալի» հետ: Էռնեստո Վալվերդեի գլխավորած թիմը հաղթանակ տարավ 2:0 հաշվով:
36-րդ րոպեին ֆրանսիացի հարձակվող Ուսման Դեմբելեի փոխանցումից հետո գոլի հեղինակ դարձավ իսպանացի պաշտպան Ժերար Պիկեն: 87-րդ րոպեին հաշիվը կրկնապատկեց փոխարինման դուրս եկած իսպանացի կիսապաշտպան Կարլոս Ալենյան: Գոլային փոխանցումը կատարեց արգենտինացի Լիոնել Մեսին:
«Բարսելոնան» 28 միավորով բարձրացավ առաջին տեղ, սակայն մեկ հանդիպում քիչ անցկացրած «Սեւիլիան» հետ է 2 միավոր: «Վիլյառեալը» 17-րդն է՝ 14 միավոր:
Իսպանիայի առաջնություն, 14-րդ տուր
«Բարսելոնա» - «Վիլյառեալ»՝ 2:0 (տեսանյութ)
Ժերար Պիկե, 36, Կարլոս Ալենյա, 87
Հետևեք NEWS.am SPORT-ին Facebook-ում, Twitter և Telegram-ում