«Ոսկե գնդակին» այս տարի կարժանանա Մադրիդում հանդես եկող ֆուտբոլիստ։
Marca-ի համաձայն՝ մրցանակը բաժին է հասնելու Մադրիդի «Ռեալի» ֆուտբոլիստներ Լուկա Մոդրիչին, Ռաֆայել Վարանին կամ Մադրիդի «Աթլետիկոյի» ֆրանսիացի հարձակվող Անտուան Գրիզմանին։ «Ոսկե գնդակի» քվեարկությունն արդեն ավարտվել է։
«Ոսկե գնդակի» մրցանակաբաշխությունը տեղի կունենա դեկտեմբերի 3-ին։
Հիշեցնենք, որ Վարանը եւ Գրիզմանը Ֆրանսիայի հավաքականի կազմում դարձել էին աշխարհի չեմպիոն, իսկ Մոդրիչը Խորվաթիայի հավաքականի հետ հասել էր մինչեւ ԱԱ-2018-ի եզրափակիչ։ Մոդրիչը եւ Վարանն այս մրցաշրջանում «Ռեալի» կազմում նվաճել են նաեւ Չեմպիոնների լիգայի գավաթը, իսկ Գրիզմանը «Աթլետիկոյի» հետ դարձել է Եվրոպայի լիգայի գավաթակիր։
Հետևեք NEWS.am SPORT-ին Facebook-ում, Twitter և Telegram-ում