Ֆրանսիացի թենիսիստ Ալբանո Օլիվետին Իտալիայում անցկացվող Թենիսի միջազգային ֆեդերացիայի «չելենջեր» շարքի մրցաշարում կատարել է 11 անընդմեջ էյս (առաջին մատուցման միավոր բերող հարվածը)՝ բարելավելով ամերիկացի Սեմ Քուերիի 2007 թվականի ռեկորդը՝ 10 էյս:
26-ամյա Օլիվետին գերմանացի Մարկ Զիբերի դեմ մրցախաղում կատարել է 36 էյս՝ առաջին մատուցումով վաստակելով 50 միաովոր: Օլիվետին հաղթել է 4:6, 7:6, 6:4 հաշվով:
Օլիվետին 2012 թվականին հասել է Մարսելի մրցաշարի քառորդ եզրափակիչ: 2014-ին նա հայտնվել էր ավտովթարում եւ կորտ վերադարձավ 2016-ին:
Հետևեք NEWS.am SPORT-ին Facebook-ում, Twitter և Telegram-ում