Մադրիդի «Ռեալի» իսպանացի գլխավոր մարզիչ Խուլյեն Լոպետեգին Իսպանիայի առաջնության 5-րդ տուրում «Էսպանյոլի» նկատմամբ 1:0 հաշվով տարած հաղթանակից հետո դժգոհել է հագեցած օրացույցից:
«Մենք գիտենք՝ ինչպես դիմանալ, երբ խաղը չի դասավորվում մեր սցենարով: Մենք հասկանում էինք, որ «Էսպանյոլի» դեմ խաղը բարդ է լինելու: Մրցակիցը ցուցադրում է կազմակերպված ֆուտբոլ:
Մենք կարողացանք վաստակել կարեւոր 3 միավոր: Երկրորդ խաղակեսում մեր էներգիան սպառվել էր: Արդեն չկար վերահսկողություն խաղի վրա: Սա մեր երկրորդ խաղն էր երեք օրում: Կար հոգնածություն»,- Լոպետեգիի խոսքը մեջբերում է Marca-ն:
Հիշեցնենք, որ սեպտեմբերի 19-ին «Ռեալը» Չեմպիոնների լիգայի առաջին տուրում 3:0 հաշվով հաղթել էր իտալական «Ռոմային»:
Հետևեք NEWS.am SPORT-ին Facebook-ում, Twitter և Telegram-ում