ԱԱ-2018․ Օրվա խաղերի անոնս  

Ռուսաստանում շարունակվող ֆուտբոլի աշխարհի առաջնությունում հունիսի 28-ին ավարտվելու է խմբային փուլը։ Պայքարը կավարտվի G և H խմբերում։ Հայտնի են դառնալու 1/8 եզրափակիչի վերջին՝ 2 մասնակիցները։

G խմբում երկրորդ տուրից հետո պարզ դարձավ, որ հաջորդ փուլ են դուրս գալու Անգլիայի և Բելգիայի հավաքականներ։ Այստեղ բաց է մնում միայն առաջին և երկրորդ տեղերի հարցը։

Կալինինգրադում Երևանի ժամանակով 22։00-ին կհանդիպեն խմբի առաջատարները։ Ռոբերտո Մարտինեսն իր մարզչական կարիերայի հիմնական մասը անց է կացրել Բրիտանիայում և այդ գործոնը կարող է որոշիչ լինել, քանի որ իսպանացին լավ է ճանաչում Անգլիայի հավաքականի ֆուտբոլիստներին և նրանց հնարավորությունները։ Միևնույն ժամանակ էլ Բելգիայի հավաքականում շատ են անգլիական Պրեմիեր լիգայում հանդես եկող ֆուտբոլիստները, որոնց խաղը մշտապես Գարեթ Սաութգեյթի ուշադրության կենտրոնում է։ Ստացվում է, որ հավելյալ հետախուզության կարիք չկա։

Մրցելու են գրեթե նույն խաղաոճը դավանող հավաքականներ, որոնք վերջին անգամ հանդիպել են 2012 թվականին և ընկերական խաղում Անգլիան հաղթել է 1։0 հաշվով։

Խմբի մյուս խաղում մրցելու են Պանաման և Թունիսը։ Այդ հանդիպումը տեղի է ունենալու Սարանսկում և մեկնարկելու է Երևանի ժամանակով 22։00-ին։

H խմբում 2 ուղեգրի համար պայքարում է 3 հավաքական։ Հետաքրքիր է լինելու Կոլումբիայի և Սենեգալի պայքարը։ Սենեգալն առաջին տուրում հաղթեց Լեհաստանին, իսկ երկրորդում ոչ ոքի խաղաց Ճապոնիայի հետ։ Կոլումբիան առաջնությունում մեկնարկեց պարտությամբ (Ճապոնիայից՝ 1։2), սակայն երկրորդ տուրում 3 անպատասխան գնդակ ուղարկեց Լեհաստանի դարպասը։ Երևանի ժամանակով 18։00-ին Սամարայում կմեկնարկի Սենեգալ – Կոլումբիա հանդիպումը։

Մյուս խաղում խաթարված հեղինակությունը կփորձի վերականգնել Լեհաստանի հավաքականը, իսկ Ճապոնիան էլ պայքարելու է հաջորդ փուլ դուրս գալու համար։ Այս խաղի մեկնարկը ևս կտրվի 18։00-ին։

NEWS.am-ում աշխարհի առաջնության լուսաբանման գլխավոր գործընկերն է TotoGaming-ը:

Ժամանակն է սկսել նոր հաղթանակների ուղին TotoGaming-ի հետ։

Առաջին քայլը կօգնի անել Ողջույնի բոնուսը։

Դուք կստանաք 2000 Դ FreeBet պարզապես գրանցվելով www.totogaming.am կայքում։

Մանրամսները․ www.totogaming.am 

Օրվա հավանական հաղթող խաղադրույքներին կարող եք ծանոթանալ TotoExpert.am–ում։

Լուսաբանման գործընկերն է Ucom-ը: 

Այս ամառ Ռուսաստանում ինտերնետն ընդամենը 15 դրամ:
Ընդամենը 15դրամ/ՄԲ ռոմինգում ևս 42 երկրում:
Ucom. Ձեր հանգստի օպերատորը: Մանրամասները՝ այստեղ։

Հետևեք NEWS.am SPORT-ին Facebook-ում, Twitter և Telegram-ում