Նորվեգիայի Ստավանգեր քաղաքում ընթացող Altibox Norway Chess սուպերմրցաշարի 8-րդ տուրում Վիշվանաթան Անանդը պարտվել է Ֆաբիանո Կարուանային, իսկ Հիկարու Նակամուրան պարտության է մատնել Սերգեյ Կարյակինին։ Մնացած պարտիաներում գրանցվել է ոչ ոքի արդյունքը։
Այս տուրում հայկական շախմատի առաջատար Լեւոն Արոնյանը մրցակից չուներ, քանի որ Դին Լիրենը ազդոսկրի կոտրվածքի պատճառով դուրս է եկել մրցաշարից:
Վերջին տուրում (9) Արոնյանը սպիտակներով կխաղա Նակամուրայի հետ։
Նախորդ տուրերում հայ գրոսմայստերը ոչ ոքի էր խաղացել աշխարհի նախկին չեմպիոն, հնդիկ Վիշվանաթան Անանդի, ԱՄՆ-ը ներկայացնող Ուեսլի Սոյի, ֆրանսիացի Մաքսիմ Վաշյե-Լագրավի, ամերիկացի Ֆաբիանո Կարուանայի և ռուսաստանցի Սերգեյ Կարյակինի հետ, պարտվել աշխարհի գործող չեմպիոն Մագնուս Կարլսենին, հաղթել ադրբեջանցի Շաքրիյար Մամեդյարովին:
8-րդ տուր
Վիշվանաթան Անանդ (2760, Հնդկաստան) - Ֆաբիանո Կարուանա (2822, ԱՄՆ)՝ 0։1
Մագնուս Կարլսեն (2843, Նորվեգիա) - Շաքրիյար Մամեդյարով (2808, Ադրբեջան)՝ 0․5։0․5
Հիկարու Նակամուրա (2769, ԱՄՆ) - Սերգեյ Կարյակին (2782, Ռուսաստան)՝ 1։0
Ուեսլի Սո (2778, ԱՄՆ) - Մաքսիմ Վաշյե-Լագրավ (2789, ԱՄՆ)՝ 0․5։0․5
Մրցաշարային դրությունը 8 տուրից հետո. Կարլսեն, Նակամուրա, Սո, Կարուանա՝ 4-ական միավոր, Արոնյան, Մամեդյարով, Անանդ՝ 3․5-ական միավոր, Կարյակին՝ 3 միավոր, Վաշյե-Լագրավ՝ 2․5 միավոր։
Հետևեք NEWS.am SPORT-ին Facebook-ում, Twitter և Telegram-ում