Norway Chess. Մաքսիմ Վաշյե-Լագրավ vs Լեւոն Արոնյան

Նորվեգիայի Ստավանգեր քաղաքում շարունակվող Altibox Norway Chess սուպերմրցաշարում հունիսի 2-ին տեղի կունենան   5-րդ տուրի պարտիաները։ Հայկական շախմատի առաջատար Լեւոն Արոնյանը սևերով կխաղա ֆրանսիացի Մաքսիմ Վաշյե-Լագրավի հետ։

Չորրորդ տուրից հետո 3 միավորով միանձնյա առաջատարը Մագնուս Կարլսենն է: Արոնյանն ունի 2 միավոր։ 

Տուրի բոլոր պարտիաները կմեկնարկեն Երեւանի ժամանակով 18:30-ին:

Նախորդ 4 տուրերում հայ գրոսմայստերը ոչ ոքի է խաղացել աշխարհի նախկին չեմպիոն, հնդիկ Վիշվանաթան Անանդի ու ԱՄՆ-ը ներկայացնող Ուեսլի Սոյի հետ, պարտվել է աշխարհի գործող չեմպիոն Մագնուս Կարլսենին, ինչպես նաև հաղթել է ադրբեջանցի Շաքրիյար Մամեդյարովին:

Հիշեցնենք, որ Լեւոն Արոնյանը Norway Chess-ի գործող հաղթողն է: Norway Chess-2017-ը շախմատի պատմության մեջ մասնակիցների վարկանիշով ուժեղագույն մրցաշարն էր:

Norway Chess, 5-րդ տուր

Ուեսլի Սո (ԱՄՆ) - Դին Լիրեն (Չինաստան)

Մագնուս Կարլսեն (Նորվեգիա) - Վիշվանաթան Անանդ (Հնդկաստան)

Շաքրիյար Մամեդյարով (Ադրբեջան) - Հիկարու Նակամուրա (ԱՄՆ)

Մաքսիմ Վաշյե-Լագրավ (Ֆրանսիա) - Լեւոն Արոնյան (Հայաստան)

Ֆաբիանո Կարուանա (ԱՄՆ) - Սերգեյ Կարյակին (Ռուսաստան)

Հետևեք NEWS.am SPORT-ին Facebook-ում, Twitter և Telegram-ում