Ղազախստանի առաջնության 13-րդ տուրում «Ժետիսուն» տանը նվազագույն հաշվով հաղթեց Կարագանդայի «Շախտյորին»։
Հաղթական գոլը 89-րդ րոպեին խփեց Հայաստանի ազգային հավաքականի կիսապաշտպան Էդգար Մալաքյանը։ «Ժետիսուի» կազմում առանց փոխարինման խաղաց նաև Կամո Հովհաննիսյանը։
«Շախտյորի» կազմում հանդիպմանը մասնակցեց նաեւ կիսապաշտպան Գևորգ Նաջարյանը։
Հիշեցնենք, որ հունիսի 1-ին Մալաքյանը և Հովհաննիսյանը կմիանան Հայաստանի հավաքականին, որը հավաք է անցկացնում Ավստրիայում։ Հունիսի 4-ին Վարդան Մինասյանի գլխավորած թիմը ընկերական հանդիպում կանցկացնի Մոլդովայի հետ։
Հետևեք NEWS.am SPORT-ին Facebook-ում, Twitter և Telegram-ում