Անգլիական «Լիվերպուլի» եգիպտացի հարձակվող Մոհամեդ Սալահը սկսել է վերականգնողական փուլը: Մայիսի 29-ին Եգիպտոսի հավաքականի 25-ամյա ֆուտբոլիստը մեկնել է Իսպանիա, որտեղ կանցնի վերականգնողական կուրս, հայտնում է Եգիպտոսի ֆուտբոլի ֆեդերացիայի կայքը:
Դրանից հետո Սալահը կմեկնի Կահիրե, որտեղ կմիանա աշխարհի առաջնությանը պատրաստվող Եգիպտոսի հավաքականին:
Հիշեցնենք, որ եգիպտացի հարձակվողն ուսի վնասվածք էր ստացել Մադրիդի «Ռեալի» դեմ Չեմպիոնների լիգայի եզրափակիչ խաղում (1:3), որում փոխարինվել էր առաջին խաղակեսում:
Հետևեք NEWS.am SPORT-ին Facebook-ում, Twitter և Telegram-ում