00:57  ,  4 մայիսի, 2018

ԵԼ. «Աթլետիկոն» հաղթեց «Արսենալին» եւ դուրս եկավ եզրափակիչ (տեսանյութ)

Մադրիդի «Աթլետիկոն» նվաճեց Եվրոպայի լիգայի ուղեգիր՝ կիսաեզրափակիչում դուրս թողնելով Լոնդոնի «Արսենալին»: Պատասխան խաղում անգլիական թիմը Մադրիդում պարտվեց նվազագույն հաշվով (տեսանյութ):

Առաջին խաղակեսին ավելացված ժամանակում ֆրանսիացի հարձակվող Անտուան Գրիզմանի փոխանցումից հետո իսպանացի հարձակվող Դիեգո Կոստան գրավեց ֆրանսիացի Արսեն Վենգերի գլխավորած թիմի դարպասը:

Հայաստանի հավաքականի եւ «Արսենալի» կիսապաշտպան Հենրիխ Մխիթարյանը 68-րդ րոպեին փոխարինեց անգլիացի կիսապաշտպան Ջեք Ուիլշիրին:

Առաջին խաղում գրանցվել էր ոչ ոքի՝ 1:1:

Եզրափակիչի մյուս ուղեգիրը վիճարկում են ավստրիական «Զալցբուրգն» ու ֆրանսիական «Մարսելը»: 2:0 հաշվով հաղթում է «Զլացբուրգը» եւ նշանակվել է լրացուցիչ ժամանակ:

Առաջին խաղում «Մարսելը» տանն առավելության էր հասել 2:0 հաշվով:

Եվրոպայի լիգայի եզրափակիչը տեղի կունենա մայիսի 16-ին Ֆրանսիայի Լիոն քաղաքում:

Եվրոպայի լիգա, կիսաեզրափակիչ, պատասխան խաղ

«Աթլետիկո» (Իսպանիա) - «Արսենալ» (Անգլիա)՝ 1:0 (առաջին խաղ՝ 1:1)

Դիեգո Կոստա, 45+2

«Զալցբուրգ» (Ավստրիա) - «Մարսել» (Ֆրանսիա)՝ 2:0 (առաջին խաղ՝ 0:2)

Ամադու Այդարա, 53, Բունա Սառ, 65, ինքնագոլ

Հետևեք NEWS.am SPORT-ին Facebook-ում, Twitter և Telegram-ում