Իտալիական «Ֆիորենտինան» եւ «Կալյարին» շրջանառությունից հանել են օրեր առաջ հանկարծամահ եղած Դավիդե Աստորիի խաղային համարը։ 2 թիմերում էլ իտալացի պաշտպանը խաղացել էր 13 համարի մարզաշապիկով։
Աստորին «Կալյարիում» հանդես էր եկել 2008-2014-ի, իսկ «Ֆիորենտինայում» խաղում էր 2015 թվականից։
Հիշեցնենք, որ «Ֆիորենտինայի» ավագին մարտի 4-ին Ուդինե քաղաքում մահացած էին հայտնաբերել հյուրանոցային համարում։ «Ֆիորենտինան» Ուդինե էր մեկնել «Ուդինեզեի» դեմ արտագնա խաղի համար։ 31-ամյա Աստորին քնած ժամանակ մահացել էր սրտի կանգի հետեւանքով։
Կարիերայի ընթացքում Աստորին հանդես է եկել նաեւ Հռոմի «Ռոմայում», իսկ Իտալիայի ազգային հավաքականի կազմում անցկացրել է 14 հանդիպում եւ խփել մեկ գոլ։
Դեպքի պատճառով հետաձգվել էին Իտալիայի առաջնությունում մարտի 4-ին նախատեսված բոլոր խաղերը։
In honour of Davide #Astori's memory, @CagliariCalcio and #ACFFiorentina have decided to retire the No.13 shirt. #DA13 pic.twitter.com/fwuiCXjzL4
— ACF Fiorentina (@acffiorentina) March 6, 2018
Per onorarne la memoria e rendere indelebile il ricordo di Davide Astori, @acffiorentina e @CagliariCalcio hanno deciso di ritirare congiuntamente la maglia con il numero 13. #DA13 pic.twitter.com/mH746vWRsA
— CIAO DAVIDE (@CagliariCalcio) March 6, 2018
Հետևեք NEWS.am SPORT-ին Facebook-ում, Twitter և Telegram-ում