«Սեւիլիա» - «Մանչեսթեր Յունայթեդ»՝ 0:0, «Շախտյոր» - «Ռոմա»՝ 2:1

Ֆուտբոլի եվրոպական Չեմպիոնների լիգայի 1/8 եզրափակիչի առաջին խաղում իսպանական «Սեւիլիան» ու անգլիական «Մանչեսթեր Յունայթեդը» բավարարվեցին 0:0 հաշվով: Արդեն 17-րդ րոպեին հարկադրված փոփոխություն կատարեց անգլիական թիմի պորտուգալացի գլխավոր մարզիչ Ժոզե Մոուրինյոն: Վնասվածք ստացած իսպանացի կիսապաշտպան Անդեր Էրերայի փոխարեն խաղադաշտ դուրս եկավ ֆրանսիացի կիսապաշտպան Պոլ Պոգբան: Երեք դրվագներում վերահաս գոլից «Մանչեսթեր Յունայթեդին» փրկեց իսպանացի դարպասապահ Դավիդ Դե Խեան:

«Ռոման» Ուկրաինայում կարողացավ գոլ խփել առաջին խաղակեսում: Բոսնիացի հարձակվող Էդին Ջեկոյի փոխանցումից հետո աչքի ընկավ թուրք կիսապաշտպան Ջենգիզ Յունդերը: Սակայն երկրորդ խաղակեսում դաշտի տերերը արգենտինացի հարձակվող Ֆակունդո Ֆերեյրայի եւ բրազիլացի կիսապաշտպան Ֆրեդի գոլերի շնորհիվ հասավ կամային հաղթանակի՝ 2:1:

Այս զույգերը պատասխան հանդիպումները կանցկացնեն մարտի 13-ին:

Չեմպիոնների լիգա, 1/8 եզրափակիչ, առաջին հանդիպում

«Շախտյոր» (Ուկրաինա) - «Ռոմա» (Իտալիա)՝ 2:1

Ֆակունդո Ֆերեյրա, 52, Ֆրեդ, 71 - Ջենգիզ Յունդեր, 41

«Սեւիլիա» (Իսպանիա) - «Մանչեսթեր Յունայթեդ» (Անգլիա)՝ 0:0

Հետևեք NEWS.am SPORT-ին Facebook-ում, Twitter և Telegram-ում