Ֆուտբոլի Իսպանիայի առաջնության 22-րդ տուրում առաջատար «Բարսելոնան» կատալոնական դերբիում հյուրընկալվեց «Էսպանյոլին» եւ բավարարվեց ոչ ոքի արդյունքով՝ 1:1:
«Բարսելոնայի» գլխավոր մարզիչ Էռնեստո Վալվերդեն որոշել էր արգենտինացի հարձակվող Լիոնել Մեսիին թողնել փոխարինողների թվում: Մեսին դաշտ դուրս եկավ 59-րդ րոպեին, սակայն 7 րոպե անց «Էսպանյոլը» բացեց հաշիվը: «Բարսելոնային» պարտությունից փրկեց Իսպանիայի հավաքականի պաշտպան Ժերեր Պիկեի խփած գոլը 82-րդ րոպեին:
Հորդառատ անձրեւի պատճառով խաղն անցավ թաց խոտածածկի եւ ջրափոսերի պայմաններում, ինչը 2 թիմերին խանգարում էր ցուցադրել լավագույն որակները:
Այս ոչ ոքիից հետո «Բարսելոնան» հավաքեց 58 միավոր: Երկրորդ տեղում գտնվող Մադրիդի «Աթլետիկոն» ունի 46 միավոր, իսկ լավագույն եռյակը եզրափակող «Վալենսիան»՝ 40: «Աթլետիկոն» ու «Վալենսիան» կհանդիպեն այս տուրում:
Իսպանիայի առաջնություն, 22-րդ տուր
«Էսպանյոլ» - «Բարսելոնա»՝ 1:1
Խերարդ Մորենո, 66 – Ժերար Պիկե, 82
«Խետաֆե» - «Լեգանես»»՝ 0:0
Հետևեք NEWS.am SPORT-ին Facebook-ում, Twitter և Telegram-ում