Հայաստանի եւ Լիտվայի ֆուտբոլի ֆեդերացիաները պայմանավորվել են երկու երկրների ազգային հավաքականների միջեւ ընկերական խաղ անցկացնելու վերաբերյալ:
Հայաստան - Լիտվա ընկերական հանդիպումը կկայանա մարտի 27-ին Երեւանում, հայտնում է ՀՖՖ կայքը:
Այս պահին ՀՖՖ-ն բանակցություններ է վարում եւս մեկ ընկերական հանդիպման անցկացման վերաբերյալ:
Հիշեցնենք, որ 2018 թվականի սեպտեմբերին մեկնարկող ՈւԵՖԱ-ի Ազգերի լիգայում Լիտվայի հավաքականը C դիվիզինում է, որի չորրորդ խմբում կմրցի Ռումինիայի, Սերբիայի եւ Չեռնոգորիայի հետ: ՈւԵՖԱ-ի ամենացածր վարկանիշով թիմերի հետ վերջին՝ D դիվիզիոնում ընդգրված Հայաստանի հավաքականը հայտնվել է չորրորդ խմբում, որտեղ կխաղա Մակեդոնիայի, Լիխտենշտեյնի եւ Ջիբրալթարի թիմերի հետ:
Հայաստանի հավաքականը նախորդ 2 ընկերական խաղերն անցկացրել է 2017-ի նոյեմբերին՝ Երեւանում հաղթելով Բելառուսին (4:1) եւ Կիպրոսին (3:2):
Հետևեք NEWS.am SPORT-ին Facebook-ում, Twitter և Telegram-ում