Պրեմյեր լիգա. Ամսվա լավագույն գոլը, Գվարդիոլայի ու Քեյնի ռեկորդային մրցանակները (ֆոտո)

«Մանչեսթեր Սիթին» գլխավորող Խոսեպ Գվարդիոլան ճանաչվել է Անգլիայի առաջնության՝ դեկտեմբեր ամսվա լավագույն մարզիչ, հայտնում է Պրեմյեր լիգայի մամուլի ծառայությունը:

Քվեարկության արդյունքում իսպանացի մասնագետն առաջ է անցել Սեմ Էլարդայսից («Էվերտոն»), Անտոնիո Կոնտեից («Չելսի»), Յուրգեն Կլոպից («Լիվերպուլ»), Մաուրիսիո Պոչետինոյից («Տոտենհեմ») եւ Ռոյ Հոջսոնից («Քրիսթալ Փելաս»):

Նախորդ ամիս «Մանչեսթեր Սիթին» Պրեմյեր լիգայում անցկացրել է 7 խաղ, տարել 6 հաղթանակ եւ մեկ հանդիպում ավարտել ոչ ոքի: Գվարդիոլան չորրորդ անգամ անընդմեջ է ճանաչվում Պրեմյեր լիգայի ամսվա լավագույն մարզիչ եւ սահմանում ռեկորդ: Նախկինում ոչ մի մարզիչի չէի հաջողվել գրանցել նման ցուցանիշ:

Դեկտեմբերի լավագույն ֆուտբոլիստ է ճանաչվել «Տոտենհեմի» անգլիացի հարձակվող Հարի Քեյնը, որը կարիերայում 6-րդ անգամ է ստանում այդ մրցանակը եւ կրկնում «Լիվերպուլի» լեգենդար կիսապաշտպան Ստիվեն Ջերարդի ռեկորդը: Նախորդ ամիս Քեյնը մասնակցել էր 6 խաղի եւ խփել 8 գոլ:

Ամսվա լավագույն գոլի հեղինակ է ճանաչվել «Բորնմութի» հարձակվող Ժերմեյն Դեֆոն: Քվեարկությամբ հաղթել է անգլիացու գոլը «Քրիսթալ Փելասի» դեմ 16-րդ տուրի խաղում (2:2):

Stunning @IAmJermainDefoe strike claims Carling Goal of the Month for December

https://t.co/EzurLe46Sr pic.twitter.com/V6jgFGcYsp

— Premier League (@premierleague) January 12, 2018

Another for the collection. Congratulations @HKane, the #PL Player of the Month for December! @premierleague

SBC https://t.co/DOfUkSlSpS pic.twitter.com/Q7vJKXkVmU

— EA SPORTS FIFA (@EASPORTSFIFA) January 12, 2018

An unprecedented in a row! for @ManCity boss Pep Guardiola - @BarclaysFooty Manager of the Month for December pic.twitter.com/Wjhw91x8G8

— Premier League (@premierleague) January 12, 2018

Հետևեք NEWS.am SPORT-ին Facebook-ում, Twitter և Telegram-ում